PROMÉ MINISTER GILMAR PISAS A REUNÍ KU FUNDASHON VIBA I PLATRAFORMA BANDA ABOU

Willemstad – Promé Minister Gilmar Pisas a reuní ku Fundashon VIBA i Plataforma Banda Abou dia 16 di mei 2022.
E miembronan di direktiva ku a representá Fundashon VIBA tabata Sr. Selfrin Sambo, sr. Edsel Mogen i sra. Noralyne Mongen.
E miembronan di direktiva ku a representá Plataforma Banda Abou tabata sra. Jahaira Muzo i sra. Scarlette La Reine.

Durante e reunion a elaborá riba diferente tema di preokupashon ku ambos organisashon ke haña atenshon pe di parti di Gobièrnu di Kòrsou.
Ambos organisashon ta sali na vanguardia di e pueblo di Banda Abou i nan ta lucha pa mira desaroyonan positivo na Banda Abou.

A elaborá entre otro riba e situashon di Kas di Bario di Dokterstuin, Sentro di Bario na Tera Kora, desaroyo di playanan na Banda Abou, e parti di limpiesa i drechamentu di kayanan, transporte públiko entre Kenepa i Barber, terenonan di famia ku ta pegá na Bureau Domeninbeheer, skolnan ku tin di keda drecha na Banda Abou i servisio di Ambulance na Banda Abou.

E siguiente reunion ku Fundashon VIBA i Plataforma Banda Abou lo bai tin ku Promé Minister sr. Pisas lo ta dia 23 di mei 2022. Den e reunion aki ambos organisashon lo bini ku tur dokumento i informashonnan nesesario pa asina por analisá kon ta bai trese un solushon pa kada situashon.

E reunion a kana den un bon esfera i kada organisashon tabata satisfecho ku e forma ku Promé Minister sr. Pisas ta duna atenshon, oido i mustra interes pa yuda pa solushoná kada un di puntonan ku a bini dilanti.