google.com, pub-5639114718427035, DIRECT, f08c47fec0942fa0

Minister Rocco Tjon: A HACI ENTREGA DI CERTIFICADO NA DEPARTAMENTONAN ENCARGA CU ELEVA SIGURIDAD NA NOS FRONTERA

ORANJESTAD – Diabierna merdia, durante un ceremonia na John F. Kennedy Education Center, a tuma luga entregamento di certificado na tur esnan cu a cumpli cu e curso cu Koninklijke Marechaussee a brinda na empleadonan di Guarda nos Costa, Inmigracion Aruba y Cuerpo Policial.ย ย 

 

Certificadonan a wordo entrega pa Minister di Husticia y Asuntonan Social Sr. Rocco Tjon, como tambe director di Inmigracion Sr. Andrew Hoo, Director di Guarda nos Costa Sr. Richard Kramers, Sra. Jeannette Baars-Richardson directora scol di polis como tambe General R. Costongs kende ta comandante di Koninklijke Marechaussee. Segun e mandatario, ta trata aki di un opleiding sumamente importante, mirando cu ta e prome parti di e โ€œvervolgopleidingnanโ€ cu tambe lo bay wordo brinda. Esaki ta un proyecto concreto cu a sali for di e plan di accion; โ€œversterking grens toezichtโ€. Na varios ocasion a bin padilanti y a splica cu tin hopi fondo cu a wordo poni disponibel, fondonan pa fortifica siguridad na nos frontera y esaki sigur ta un di e cursonan cu ta duna tur e empleadonan e recursonan pa reconoce documentonan falso.ย 

 

Manera nos tur sa, e entrada principal pa esnan cu ta bin bishita nos isla ta a traves di nos aeropuerto y pa e motibo aki e ta asina importante pa tur esnan cu tin un rol importante den eleva siguridad na nos frontera haya e oportunidad pa sigui e curso aki. Diferente cursonan a wordo poni disponibel pa e parti di infrastrucutura y e parti di material, cual ta forma parti di e cursonan y opleidingnan cu Koninklijke Marechaussee lo sigui brinda den e lunanan nos dilanti.ย 

 

Por ultimo, minister Tjon a manda palabranan di pabien na tur esnan cu a completa e curso aki exitosamente, y cu awo ta certifica pa reenforsa aun mas e sigirudad na nos frontera, pero tambe e siguridad di henter nos comunidad.

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: