google.com, pub-5639114718427035, DIRECT, f08c47fec0942fa0

Entrada hudisial ku detenshon.

KOMUNIKADO DI PRENSA 269/2022
31 di mei 2022
Entrada hudisial ku detenshon.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kontinuando ku investigashon relashoná ku un kaso di intento di asesinato ku a tuma lugá
djabièrnè 24 di desèmber 2021 den área di Vesuviusstraat, polis a hasi detenshon.
Riba e dia en kestion, e víktima a risibí herida di bala i na kaminda pa CMC a resultá den un
aksidente di outo, na unda e víktima a bin pèrdè su bida.
No ta konosí si e víktima a fayesé debí na e herida di bala òf den e aksidente.
Djamars 31 di mei 2022, alrededor di 13.40’or personal di e departamentu ku ta investigá
kasonan di homisidio, riba òrdu di fiskal di Ministerio Públiko a tene entrada hudisial na un
kas den área di Papaya.
Na e sítio a detené e hòmber sospechoso J.M.S., nase na Kòrsou di 37 aña di edat,
relashoná ku e kaso ariba menshoná.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: