google.com, pub-5639114718427035, DIRECT, f08c47fec0942fa0

Ocho polis ta gradua pa kurso di liderato na nivel operashonal.

 

KOMUNIKADO DI PRENSA 280/2022
5 yüni 2022
Ocho polis ta gradua pa kurso di liderato na nivel operashonal.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè dia 3 di yüni 2022, ocho (8) miembro di Kuerpo Polisial Kòrsou a terminá e kurso
di liderato ‘Training Operationeel Leiderschap Cariben’ (TOL-C) ku éksito.
Ta trata aki di un kurso ku tin un durashon di aproksimadamente un aña i ku ya pa di dos
bia ta keda organisá aki na Kòrsou pa miembronan di Kuerpo Polisial ku sea ta den un
funshon di lider na nivel operashonal òf ku den futuro por ta den e funshon aki.
E kurso aki a keda duná dor di dosentenan di akademia di polis di Hulanda i ta unu di e
diferente estudionan ku ta keda finansiá den kuadro di e impulso di kalidat pa e diferente
kuerponan den reino.
E kurso a basa su mes riba e parti di desaroyo personal di e partisipantenan pero tambe nan
posishon komo lider òf futuro lider den e organisashon polisial.
Finalmente e kandidatonan a keda husgá a base di un proyekto ku individualmente nan a
traha riba dje, na unda nan mester a mustra nan abilidat di kon ta dil ku e diferente
aspektonan di organisashon, personal, ambiente sosial i resultado.
Ku loke e miembronan aki a atkerí durante di un aña na konosementu i abilidat, nan lo por
duna un aporte balioso na guia di e personal ku ta resortá bou di nan.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: