google.com, pub-5639114718427035, DIRECT, f08c47fec0942fa0

Trahadó di fishi registrá pa nos sa ku bo tei ora trabou habri KAMPAÑA PA REGISTRÁ TRAHADÓ DI FISHI PA POR TIN UN BISTA KIKO TIN NA TRAHADÓ DI FISHI DISPONIBEL PA TRAHA RIBA REFINIRIA I TERMINAL NA BULLENBAAI

 

Willemstad 6 di yuni 2022-  Kòrsou ta na víspera di bolbe pone su industria petrolero riba pia. Hopi importante pa éksito di e start-up i operashon di e refineria i terminal, ta presensha di trahadónan di fishi. Pa e motibu aki Refineria di Kòrsou (RdK) i Curaçao Refinery Utilities (CRU) ta lansa un esfuerso mayó pa inventarisá kiko tin na disponibilidat di trahadó di fishi presente. Tur hende ku ta disponé di un fishi ku ta nesesario pa sea start-up of operashon di e refineria i terminal na Bullenbaai ta keda pidí pa registrá. Por registrá riba IPE.CW. Tambe por akudí na e evento pa inskripshon riba djabièrnè dia 10 di Yüni i djasabra 11 di Yüni di 12:00’or di mèrdia pa 7’or di anochi próksimo. Riba e plataforma ipe.cw, den avisonan den medionan di komunikashon i riba Facebook di RdK por mira tur e fishinan ku tin nesesidat di dje pa sea start-up of operá tantu nos refineria komo e terminal na Bullenbaai.

Ta kalkulá ku mester di alrededor di 70 diferente tipo di trahado di diferente nivel di fishi den e proseso pa start-up i después.  Unabes finalisá e negosashonnan ku un operadó nobo e pensamentu ta pa kuminsá mas rápido posibel ku preparashon i start-up di plantanan. Den e kuadro aki ta kumbiní pa di adelantá sa ken tei disponibel pa por traha sea ta pa kontratisa òf komo trahadó di e refineria mes.  Ta pa e motibu aki ta pidi tur trahadó di fishi, sea ku bo ta empleá òf no ta empleá, pa bin registrá. Ta trata di trabounan den área di civil,mekániko,eléktriko,instrumentashon, i mantenimentu general.

E registrashon riba IPE.cw ta fásil. Simplemente subi riba e wepsait di IPE.CW i yena e formulario manera ta keda pidí. Kada persona por sinta den tur su trankilidat na kas i yena su formulario riba e wepsait.  

Por bishitá tambe e dianan di registrashon riba dia 10 òf 11 di Yüni for di 12’or di mèrdia te ku 7’or di anochi na Man Camp na Post 5.  Aki lo tin un tim kla prepará pa atendé kada persona ku presentá i lo registrá nan. RdK i CRU ta invitá tur trahadó. No tin mester di bin personal na e evento di inskripshon dado kaso bo a inskribí riba wepsait.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: