Aksidente di tráfiko ku herido.

KOMUNIKADO DI PRENSA 322 /2022
23 yüni 2022
Aksidente di tráfiko ku herido.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 23 yüni 2022 alrededor di 14.42’or, Sentral di Polis a risibí informashon di un
aksidente di tráfiko ku a tuma lugá riba Kaya Seru Grandi entre un outo i un siklista.
E patruya ku a yega na e sitio a topa ku e siklista drumí abou ku multiple leshon na su kurpa.
For di investgashon preliminar ku polis a hasi na e sítio, a resultá ku un outo tabata kore
riba Kaya Seru Grandi. Shofúr di e vehíkulo tabata bai lora drenta un kurá di kas pero a para
pa e siklista ku tabata kore su tras pasa. E siklista a bai pasa e vehíkulo di e otro banda net
na momentu ku un otro outo tabata aserkando i a alkansé.
Debí na e impakto aki e hòmber víktima a risibí multiple leshon na su kurpa i a keda
transportá ku ambulans den situashon di prekupashon pa sala di emergensia di C.M.C. pa
tratamentu médiko.
Departamentu di Tráfiko ta kontinuá ku e investigashon

 

This site uses Akismet to reduce spam. Learn how your comment data is processed.

%d bloggers like this: