CMC ta kanselá servisionan i tratamentunan pa motibu di tormenta

Willemstad, 28 di yüni, 2022 – Curaçao Medical center (CMC) ta preparando pa e tormenta Tropikal Bonnie i a kanselá e siguiente servisionan i tratamentunan:

  • A kanselá tur operashon (di djarason i djaweps)
  • A kanselá tur tratamentu elektivo (for di djarason mèrdia te ku djaweps)
  • A kanselá tur sita na poli (for di djarason merdia te ku djaweps)
  • A kanselá tur kuido esensial ku ta enserá : Chemo, Radioterapia, Cathlab, radiologia di Intervenshon, i tratamentu di Stoma/Tripa/Higra (djaweps so)
  • Ta tumando kontakto ku pashèntnan di diálisis pa akomodá e tratamentu esensial

Tratamentunan di emergensia ta kontinuá!

Tim di kalamidat, dirigí pa Dr. Sandra Cova, a tuma tur paso nesesario pa prepará pa e tormenta.  Pa por garantisá kuido na pashènt ku mester keda hospitalisá i tambe atendé kasonan di emergensia, e tim médiko i tékniko ta prepará, i a tèst tur sinku (5) generator i tin sufisiente disel pa por sigui drai pa 7 dia konsekutivo den kaso di pèrdida di koriente.  Alabes tin back-up di kuminda i awa disponibel.

Share this page to Telegram

This site uses Akismet to reduce spam. Learn how your comment data is processed.

%d bloggers like this: