Kòrsou ta sinti falta di un minister di Salubridat !

Total Care Institute
Kinderdagverblijf en Naschoolse Opvang & Activiteiten
* Gekwalificeerde groepsleidsters
* Uw baby vanaf 6 weekjes oud
* Gevarieerde educatieve activiteiten
* Maandelijkse thema’s
* Het hele jaar door geopend
Bel of stuur een whatsapp bericht naar het nummer 5123160 voor nadere informatie en inschrijving
Klik hier oom naar onze FaceBook te gaan:
https://www.facebook.com/profile.php?id=100045700818054

 

 

Kòrsou ta sinti falta di un minister di Salubridat !

 

Komunidat kompleto por mira kon nos Salubridat dia pa dia ta bayendo atras, pa falta di toma di desishon i atenshon nesesario di e minister di Salubridat. 

 

E atenshon di Minister Pieterz-Janga pa e reto grandinan den área di salubridat ta parse di ta nihil. A bira un kustumber ku petishon pa reunion di e trahadónan den kuido,  no ta haña reakshon òf ta haña komo kontesta; ‘ku no tin tempu pa reuní’. Tin gruponan den kuido ku ta wardando 8 luna riba un reunion. Pero e realidat ta ku minister si tin tempu pa biaha i aktividatnan di plaser.

 

Kontinuidat di kuido di ambulans pa nos komunidat, kuido di nos grandi i enfermonan, kuido hospitalario, kuido di salú mental, kuido di wowo i garantia di e fondonan nesesario pa kubri e pakete di kuido ta algun di e aspektonan ku ta di preokupashon urgente i ta wardando riba desishon i atenshon di e minister di Salubridat. 

 

Komo miembro di Parlamento, sra. Ana Maria Pauletta a manda diferente karta pa minister di Salubridat ademas a pidi reunion ku minister sin ningun kontesta. Dùs ni e área di kuido, ni Parlamento no ta risibiendo ningun reakshon di minister di Salubridat sra. Pietersz-Janga. Ainda Parlamento ta en espera pa minister su karta pa BZV, kaminda e ta drai bèk su desishon. CFT den su último karta a ekspresá preokupashon pa ku e sektor di kuido.

 

Un yamada urgente pa Minister di Salubridat pa  kambia e enfoke for di kosnan di plaser i kuminsá enfoká riba e problemanan serio den nos salu públiko. Kuido di nos salú ta na base di bienestar di nos komunidat i nos pais no por pèrmit pa tin un minister ousente, sin enfoke i sin un vishon. 

 

___________________________________________________________________________

Ana Maria Pauletta 

 

This site uses Akismet to reduce spam. Learn how your comment data is processed.

%d bloggers like this: