Detenshon den investigashon kaso di droga

KOMUNIKADO DI PRENSA 354 /2022
19 yüli 2022
Detenshon den investigashon kaso di droga
Departamentu di Komunikashon i Prevenshon
KUERPO POLISIAL KÒRSOU  SIRBI I PROTEHÁ

Djamars 19 di yüli 2022 den oranan di mainta trempan, e Divishon di Krímen Organisá di
Kuerpo Polisial Kòrsou a realisá algun detenshon.
Esaki tabata den kuadro di un investigashon relashoná ku trafikamentu di droga.
Alrededor di 05.55’or, a detené e hòmber sospechoso N.P.R. di 32 aña di edat nase na
Jamaica. E hòmber aki ta permanesé ilegal riba nos isla i ta wòrdu sospechá den trafikashon
di droga òf ta kómplise na esaki.
A konfiská un outo, paña i telefòn selular.
Pa mas o ménos 06.38 a detené e hòmber sospechoso L.G.H.C. di 55 aña di edat nase na
Kòrsou.
E hòmber aki tambe ta sospechá di ta metí den trafikashon di droga i/o kómplise na esaki.
Serka dje polis a konfiská dos telefòn selular.
Despues di interogashon L.C. por a bai kas miéntras ku riba òrdu di un fiskal ouksiliar, N.P.R.
a keda enkarselá pendiente di mas investigashon.

 

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: