Relato di Enseñansa pa aña eskolar 2021/2022
Relato di Enseñansa pa aña eskolar 2021/2022
Ministerio di Enseñansa, Siensia, Kultura i Deporte su meta ta pa, huntu ku e diferente aktornan den enseñansa, mehorá kalidat di enseñansa. Primeramente kreando un sinkronisashon efektivo entre kuríkulo di enseñansa i eksigensianan ku e merkado laboral di futuro i nos sosiedat lokal di awendia ta eksihí. Nos ta hasi esaki atendiendo kontinuamente temanan spesífiko manera:
- Mehorá konekshon entre skol i trabou;
- Aportá na desaroyo di suidadanonan lokal den un mundu global;
- Hasi uzo mas efektivo di fondonan di enseñansa;
- Amplia posibilidat pa suidadanonan sigui eduká nan mes;
Enseñansa ta un proseso kontinuo. Bon enseñansa ademas no ta konserní solamente aktornan den enseñansa, e ta un ambishon ku henter nos poblashon mester kontribuí kuné. Ke men pa nos logr’é, kada un di nos mester duna su aporte. P’esei ta urgi henter komunidat, mundu komersial inkluí, grandi i chikitu, pa nos traha huntu na un mihó kalidat di enseñansa. Ta huntu nos ta eduká nos pueblo pa e mundu di mañan.

Klik hier oom naar onze FaceBook te gaan: https://www.facebook.com/profile.php?id=100045700818054