Directie Risicobeheersing & Rampenbeleid Curacao a demostrá e apresio i gratitut pa e trabounan ehersé dor di sr. Elvin Regina ku a fungi 22 aña komo lider operashonal

Durante e último reunion di e ‘Crisisbeheersings- en Rampenbestrijdingsorganisatie’ di Kòrsou (CRBo) (èks) koleganan, ‘liaisons’, boluntarionan a demostrá e apresio i gratitut pa e trabounan ehersé dor di sr. Elvin Regina ku a fungi 22 aña komo lider operashonal durante un situashon di krísis of kalamidat.
Durante e reunion èks ‘gezaghebber’ sra. Dindial, èks ‘gezaghebber’ sr. Beltrian, kordinadó nashonal di krísis sr. Fer i tambe Minister di Asuntunan General sr. Pisas a gradisí sr. Regina pa su aporte i e la ser otorgá un rekonosementu.
E funshon di lider operashonal ta un ku hopi responsabilidat kaminda durante un situashon di krísis of kalamidat tin di duna guia na e miembronan di e CRBo pa asina salbaguardiá bida di hende i vienes di pais Kòrsou.
No opstante banda di su trabou komo ‘brandweercommandant’ e responsabilidat aki tambe sr. Regina a sa di desplega ku dediskashon i profesionalismo durante 22 aña i semper a sa di trese e balansa perfekto di trankilidat i guia den un situashon di krisis of kalamidat.
Sr. Regina ta bai k’un pènshun bon meresí i nos ta gradisí pa e sakrifisionan ku E i su sernan kerí mester a hasi pa e por a sirbi nos país, pa asina salbaguardiá bida di hende i vienes di pais Kòrsou, promé, durante i despues di un krísis òf kalamidat.

This site uses Akismet to reduce spam. Learn how your comment data is processed.

%d bloggers like this: