KOMUNIKADO KUERPO POLISIAL KÒRSOU: Aksidente di tráfiko ku dos morto.

KOMUNIKADO DI PRENSA 394 /2022
20 ougùstùs 2022
Aksidente di tráfiko ku dos morto.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 20 di ougùstùs 2022 alredededor di 11.04’or, Sentral di Polis a risibí informashon
di un aksidente bastante grave ku a tuma lugá riba Schottegatweg-Noord algu despues di
Beatrixlaan.
For di investigashon preliminar a sali na kla ku un outo di famia tabata kore riba
Schottegatweg-Noord den direkshon di Biesheuvel.
Shofùr di e vehíkulo aki dado momentu a pèrdè kontrol riba su stür i bai dal kontra di un
pikòp ku tabata stashoná kantu di kaminda i tambe dos persona ku tabata hasi trabounan di
limpiesa kantu di kaya.
E impakto tabata asina fuerte ku e outo aki a hisa e dos víktimanan i benta nan over di un
muraya di kurá di un kas na man drechi di kaminda.
Tur dos víktima di sekso maskulino a fayesé na e sitio di e aksidente.
Investigashon den e kaso aki ta kontinuá

Kiko Ta Pasando no tin derecho di autor riba nigun potret.

Share this page to Telegram

This site uses Akismet to reduce spam. Learn how your comment data is processed.

%d bloggers like this: