Resientemente Prof. Bob Pinedo a hasi un bishitá serka Minister Dorothy Pietersz-Janga.
Minister Dorothy Pietersz-Janga
Resientemente Prof. Bob Pinedo a hasi un bishitá serka Minister Dorothy Pietersz-Janga.
Meta di e enkuentro aki tabata pa papia ofisialmente ku Minister tokante tur e diferente tiponan di “screening” ku Fundashon Prevenshon ta hasiendo bou di pueblo di Korsou, i tambe pa tuma despedida komo presidente di Fundashon Prevenshon.
Prof Pinedo lo sigi duna su konsehonan komo miembro honorario di Fundashon Prevenshon.
Tambe Prof. Pinedo a indiká ku e despues ku ela bini bèk Korsou ela traha durante 12 aña ku e Fundashon dunando tur ku tin na bienestar di nos pueblo.
E kombersashon a bai den un esfera hopi ameno i Prof Pinedo tabata kontentu ku e kombersashon mirando e echo tambe ku Minister Pieters-Janga, na momentu ku e tabata dokter di kas tabata duna su aporte na e screeningnan dor di konsientisá pashentnan i soru pa nan tambe a hasi e diferente screeningnan pa asina por a kontribui na nan mes salú.
