Relaciona cu celebracion Dia di Brazil: Minister di Cultura Xiomara Maduro presente na Show y Coronacion di Reinanan Folklore Cultural 2022 

Relaciona cu celebracion Dia di Brazil:

Minister di Cultura Xiomara Maduro presente na Show y Coronacion di Reinanan Folklore Cultural 2022 


Diasabra ultimo Minister di Cultura tabata presente na Centro di Bario Brazil pa e acto di coronacion y shownan cultural organisa pa Fundacion Chico Harms y Fundacion Bernadina Grovell relaciona cu Celebracion di Dia di Brazil. 

Den su discurso na e publico presente e mandatario a trece dilanti cu Cultura Bo tin cu bib’e y na Brazil sigur esaki ta wordo biba, pesey Minister Maduro ta gradici ambos fundacion cu ta traha duro pa keda presenta e bunita shownan y e paradanan cultural cu lo tuma luga proximamente. E mandatario a haci un invitacion na un y tur pa presencia e parada, como tambe esnan cu por pa participa den esaki y biba nos cultura y aporta na locual ta di nos. Un pabien na tur e reinanan cultural y deseonan di hopi exito y cu nan lo sa di representa Aruba su folklore den tur eventonan importante di nos Pais. Durante e acto di coronacion di e reinanan cultural, Minister di Cultura tabata tin e honor pa corona Pilar Cultural sra. Zenovia Wever. 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: