Minister di Cultura tabata presente na e premiere di ‘Blackout’

Minister di Cultura tabata presente na e premiere di ‘Blackout’

Un pelicula basa riba hecho real hibando nos bek den tempo di Segunda Guera Mundial na Aruba

 

Recientemente tabata tin e premiere di e pelicula ‘Blackout’ na The Movies Gloria. Un pelicula cu ta hiba nos bek den tempo, na aña 1942 pa ser exacto y ta conta nos un poco di kico a pasa e tempo ey durante Segunda Guera Mundial na Aruba. Basa riba hecho real, ‘Blackout’ ta enfoca riba e importancia cu Aruba tabata tin e tempo di Segunda Guera Mundial unda e refineria Lago y Arend tabata obheto di atake di e Alemannan pa motibo cu nan tabata e refinerianan mas grandi na mundo cu tabata yuda e aliadonan cu producto petrolero.

 

‘Blackout’ ta un pelicula dirigi pa Angel Soto, skirbi pa Ephrayim Odor, Angel Soto y Jurjen Abma cu actuacion estelar di Angel Soto mes hunto cu un elenco grandi di artista local manera Arnalda Lampe, Ephrayim Odor y Francis Toussaint. 

 

Minister Maduro ta felicita Angel Soto, e elenco completo y tur esnan cu a haci e pelicula posibel, specialmente UNOCA y Prins Bernhard Cultuurfonds pa nan contribucion. Alabes, Minister Maduro ta invita pueblo di Aruba pa mira e pelicula aki pa haya sa mas di kico a pasa na Aruba durante Segunda Guera Mundial. 

Share this page to Telegram

This site uses Akismet to reduce spam. Learn how your comment data is processed.

%d bloggers like this: