DESISHONNAN DI DJÁRASON 21 DI SÈPTÈMBER 2022

DESISHONNAN DI DJÁRASON 21 DI SÈPTÈMBER 2022

PUBLIKÁ RIBA 22 SÈPTÈMBER 2022

Desishonnan relashoná spesífikamente ku asuntunan di pais riba nivel nashonal di djárason, 21 di sèptèmber 2022:

1. Konseho di Minister ta bai di akuerdo pa lanta un grupo di trabou enkargá ku mehorashon di e servisio di registrashon di barku pa un periodo di seis (6) luna, ku e tarea pa duna konseho na Minister di Tráfiko, Transporte i Planifikashon Urbano i Minister di Desaroyo Ekonómiko riba e trabounan di registrashon di barku i tambe pa bini ku proposishonnan pa yuda alsa e kalidat di funshonamentu. Konseho di Minister tambe a bai di akuerdo pa den e kuadro akí presentá e dekreto nashonal den konsepto na Gobernador pa firma.

Pa mas informashon por tuma kontakto ku Ministerio di Tráfiko, Transporte i Planifikashon Urbano.

________________________________________________________________________________________________________________________________

2. Riba proposishon di Minister di Finansa tokante subida di supsidio ku 6% na instansianan supsidiá i kambio di destino pa ku uso di esaki (bestemmingswijziging), Konseho di Minister a bai di akuerdo ku e siguiente puntonan:

    1. E ‘bestemmingswijziging’ ta aplikabel pa tur rekursonan adishonal reservá pa por duna èkstra supsidio na instansianan supsidiá ku:
      • no a kòrta den e kondishonnan laboral di nan personal;
      • ku sí a kòrta den e kondishonnan laboral di nan personal i a sobra krédito despues di a risibí e subida di supsidio di 6% i tambe a paga su personal un solo biaha un máksimo di NAf 1750,-;
      • den kaso ku un instansia supsidiá (menshoná bou di punto b) risibí dimas supsidio, mester direktamente depositá e montante akí bèk riba kuenta di Gobièrnu;
      • kada ministerio mester monitoriá e proseso akí pa e kana bon.
    2. Kada minister ta liber pa determiná kon ta bai usa e rekursonan ku a sobra, pero no por usa esaki pa gastunan struktural.

Pa mas informashon por tuma kontakto ku Ministerio di Finansa.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: