Invitashon pa charla “Yerba i remedi di kas” den bario di Nieuw Nederland i Bònt

Invitashon pa charla “Yerba i remedi di kas” den bario di Nieuw Nederland i Bònt

 

Willemstad –  Siman di Kultura 2022 ta wordu selebrá den hopi bario e ana aki atrobe. Tema di aña ta “Ban kunuku ban planta”. Bario di Nieuw Nederland i Bònt tambe ta partisipá ku 5 aktividat sosial, kultural alabes edukativo.

Djamars 27 di sèptèmber, 7’or di anochi tin un charla hopi interesante alabes edukativo yamá “Yerba i remedi di kas”. Esaki ta tuma lugá den sala di rekreo Obed Anthony ku ta situa den kurá di misa Ebernezer na skina di Oranjestraat i Velpstraat. E charla ta na enkargo di sra. Sandra Lindo, un konosedó di yerba alabes habitante di bario.

Tur hende ta bon bini, en partikular habitantenan di Bont, Nieuw Nederland i besindario.