Yudansa di komunidat.

KOMUNIKADO DI PRENSA 463 /2022
4 òktober 2022
Yudansa di komunidat.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Relashoná ku e posibel aksidente di tráfiko ku a tuma lugá den oranan di mainta
djadumingu 2 di òktober 2022 riba Schottegatweg West, polis ta pidi yudansa di komunidat.
Riba e dia enkestion a topa ku un hòmber drumí den yerba kantu di kaminda i no tabata
reakshoná.
Polis ta supliká kualke persona ku por a mira òf tin informashon di e kaso ariba menshoná
pa pasa e informashon aki pa polis.
Por hasi uso di e numbernan di telefòn 917 òf e number anónimo 108.
Ban yuda polis un bes mas pa por solushoná e kaso aki tambe.
Huntu nos ta logra.