𝐇𝐚𝐭𝐨 𝐭𝐚 𝐮𝐛𝐢𝐤𝐚𝐬𝐡𝐨𝐧 𝐝𝐞𝐟𝐢𝐧𝐢𝐭𝐢𝐯𝐨 𝐩𝐚 𝐡𝐚𝐟 𝐧𝐨𝐛𝐨 𝐝𝐢 𝐤𝐚𝐫𝐠𝐚

Despues di un trayekto di durashon largu tokante ubikashon di un haf nobo di karga pa Boneiru, resientemente Kolegio Ehekutivo a hasi un eskoho definitivo. A base di resultado di un análisis di kosto i benefisio riba tereno sosial (maatschappelijke kosten- en batenanalyse – MKBA) ku Ecorys BV a ehekutá, a resultá ku e ubikashon na Hato – kaminda aktualmente tin e magazein, algun ofisina i e shòp di WEB – ta ofresé mas tantu bentaha finansiero.