TRABOUNAN DI MANTENSHON RIBA KAMINDA HELMIN MAGNO WIELS BOULEVARD DI ROTÒNDE NA PARASASSA TE KU YOTIN KÒRTÁ

MINISTERIO KONSERNÍ TRÁFIKO, TRANSPORTE I PLANIFIKASHON URBANO

 

TRABOUNAN DI MANTENSHON RIBA KAMINDA HELMIN MAGNO WIELS BOULEVARD DI ROTÒNDE NA PARASASSA TE KU YOTIN KÒRTÁ

PUBLIKÁ RIBA 20 ÒKTOBER 2022

Willemstad – Minister Charles Cooper huntu ku Servisio pa Obra Públiko (OW) ta informá ku entrante 24 di òktober próksimo, trabounan di mantenshon ta bai kuminsa riba Kaminda Helmin Magno Wiels Boulevard for di Rotònde Parasassa te ku Yotin Kòrtá.

Debi na mal estado di e kaminda aki, OW ta bai hasi trabounan di mantenshon riba e karetera. Esaki ta forma parti di e proyekto ‘Life Extension’ ku Minister Cooper a anunsiá.

E trabounan aki ta partí den 2 fase:

  1. Via na banda robes (‘linkerrijstrook’),
  2. Via na banda drechi (‘rechterrijstrook’).

Lo kuminsa traha riba e via na banda robes, pa despues sigui ku esun na banda drechi. E trabou aki ta konsistí di raspa i kita asfalt bieu, i pone un kapa di asfalt nobo.

Kontratista Aliansa ta enkargá ku ehekushon di e trabou aki i lo tin un durashon di aproksimadamente 1 luna. Orarionan di trabou lo ta di 7or di mainta pa 4or di atardi.

Tráfiko ku ta bini for di Yotin Kòrtá pa bai direkshon di e Rotònde na Parsassa lo keda aksesibel. Tráfiko ku ta bini di e Rotònde Parasassa ku mester pasa bai direkshon Yotin Kòrtá lo desviá via Oeralweg. Lo tin rutanan alternativo ku indikashon di barinan oraño.

OW huntu ku Aliansa ta hasi un apelashon na tu outomobilista pa kore ku koutela.

Share this page to Telegram

This site uses Akismet to reduce spam. Learn how your comment data is processed.

%d bloggers like this: