Parlamentario Seferina preokupá pa penshonadonan ku ta pasa kastigu mientrastantu e inflashon si ta keda subi

Presidente di Parlamento di Kòrsou

Señora Ch. America-Francisca

Wilhelminaplein # 4

PRESENTE

 

Willemstad, 20 di òktober 2022

 

Tópiko: Petishon pa dirigí pregunta na Minister di desaroyo sosial, labor i bienestar

 

Señora America-Francisca,

 

Pa medio di e karta aki, hasiendo uso di artíkulo 96 di Reglamentu di órden di Parlamento, mi kier pidi bo persona pa dirigí e karta athunto na Minister di desaroyo sosial, labor i bienestar señora Ruthmilda Larmonie-Cicilia  .

 

Danki pa e koperashon.

 

Atentamente,

 

 

 

David Seferina

Parlamentario pa

frakshon di MFK

Minister di desaroyo sosial, labor i bienestar

señora Ruthmilda Larmonie-Cicilia
PRESENTE

Kòrsou, 20 di òktober 2022

Tópiko: Parlamentario Seferina preokupá pa penshonadonan ku ta pasa kastigu mientrastantu e inflashon si ta keda subi

 

 

Apresiabel señora Ruthmilda Larmonie-Cicilia,

 

Parlamentario Seferina a tuma nota di e preokupashon ku ta biba bou di nos penshonadonan ku ta kobra AOV i AWW, pa añanan kaba nan salario no ta wòrdu indeksá i esaki ta pone ku kada biaha ku tin inflashon e forsa di kompra di nan ta baha i ku konsekuensia mas problema sosial i tambe pobresa den kas di famia.

Suskrito kier para ketu na e penshonadonan ku a traha henter nan bida(te ku nan edat di 65) i a disidí di bai biba den eksterior i disfrutá di nan penshun, SVB ta kòrta 10% for di nan salario. Esaki ta algu di preokupashon mirando ku mundial mente kosto di bida si ta sigui subi.

P’esei pa medio di e karta aki, hasiendo uso di artíkulo 96 di Reglamentu di órden di Parlamento, mi kier pidi bo persona pa dirigí e karta athunto na Minister di SOAW señora Ruthmilda Larmonie-Cicilia;

1. Minister por splika parlamento for di ki dia a indeksá e penshun di behes konsiderando ku kosto di bida si ta keda subi?
2. Minister ta na altura ku si no indeksá e salario di e penshonado e forsa di kompra ta baha?
3. Minister ta na altura ku esaki por trese mas problema sosial den kas di famia?
4. Pa e penshonado nan ku ta biba den eksterior bèrdat SVB ta kòrta 10% mas for di nan salario?
5. Si pregunta 4 ta si, minister ta konsiderá esaki algu hustu siendo ku ne momentunan aki pais ta konfrontando ku inflashon e siendo ku e penshonado nan aki hopi di nan a kontribuí ku e fondo nan di aov/aww?
6. Minister no tin otro alternativa pa baha gastu sin kòrta den e penshonadonan aki su salario?

 

 

 

 

7. Si minister fortifiká e departamentu di vakatura pone ku mas onderstandtrekker ta haña trabou pa kontribuí ku e fondo di aov i aww esaki lo evitá pa kòrta den e penshonadonan su salario?

 

Sperando ku Minister lo kontesta nos karta den e tempu definí den e protokòl firma entre gobièrnu di Kòrsou i Parlamento.

 

 

Atentamente,

 

 

 

David Seferina

Parlamentario pa

frakshon di MFK