Minister Shalten Hato Asamblea General Di Interpol 2022

Minister Shalten Hato Asamblea General Di Interpol 2022

Aparte di e tarea di partisipá i yuda formulá strategia di kombatí i prevení krimen NCB Kòrsou ta asistí su partnernan riba nivel nashonal ku “operational i data support”, ademas ta enfoká tambe riba e asina yamá “capacity building” ku varios trainingnan tantu den eksterior komo lokal, kual konhuntamente ku Sekretariado di INTERPOL na Lyon ta keda organisá. Trainingnan lokal mas resien ku NCB a organisá ta I-Arms november 2021 i RELIEF database training na mei dje aña aki.

Último tempu NCB ta enkurashá partnernan pa partisipá virtualmente tambe na diferente training i seminario pa asina àtkerí mas konosementu investigativo riba varios area di kriminalidat.

Un di INTERPOL su forsanan ta e “Operations” ku e organisashon madre ta tene regular tantu global komo regional na kual pais Kòrsou bou di koordinashon di NCB Kòrsou ta partisipá konhuntamente ku partnernan den field i semper ku hopi eksito. Pa menshoná algun “Operation Lionfish”, “Operation Pangea”, “Operation Trigger” i varios otro mas. 

Riba e promé imágen bo por wak e Minister di Hustisia di Aruba, sr. Rocco Tjon, Embahador di reino na New Delhi, sr. Marten van den Berg i mi persona.
Riba e di dos imágen bo por wak e delegashon kompletu di reino ku lo asistí n’e asamblea di Interpol.

Apertura ofishal dje asamblea general di INTERPOL HQ dor di promé minister di India, sr. Narendra Modi.

 

 

 

Minister di Hustisia di Kòrsou a hasi uzo di e oportunidat na e asamblea general di INTERPOL HQ pa papia tokante di diferente topiko regardando e kartera di Hustisia ku e Minister di Hustisia di Aruba, sr. Rocco Tjon.

 

 

KÒMBERSASHON BILATERARIO KU SÜRNAM
Awe nos a probechá di e oportunidat na India pa sostené un kòmbersashon bilateral ku delegashon di Sürnam. E delegashon di Sürnam tabata konsistí di Ruben Kensen (Hefe di Polis) i Dwight Lee A Long (Hefe di Interpol Paramaribo).
Temanan ku nos a trata tabata entre otro: tratado di San Jose, konsulta hustisial periodikamente ku Sürnam, kolaborashon ku Interpol Sürnam, kolaborashon entre KPC i KPS & proyekto Makandra.

 

KÒMBERSASHON BILATERARIO KU COLOMBIA
Minister Hato probechando dje echo ku e ta na India pa e asamblea general di INTERPOL HQ a sostené kòmbersashon bilateral ku e delegashon di Colombia. E delegashon tabata konsistí di sr. Javier Martin Gamez (Hefe Nashonal di Polis colombiano), sra. Olga Salazar Sanchez (Direktora di Investigashon Kriminal pa Interpol) i sr. Ronald Castro Sanchez (Ofishal di OCN Interpol na Bogota).
Topikonan ku a ser tratá ta entre otro: kolaborashon den estudio di polis, migrashon i tratado di San Jose.

 

 

KÒMBERSASHON BILATERARIO KU COSTA RICA
Awe Kòrsou a sostené su di tres kòmbersashon bilateral na India ku den e kaso aki ku e delegashon di Costa Rica ku tabata konsistí di sr. Randall Zuniga Lopez (Direktor Suplente di Departamentu di Investigashon di Korte di Hustisia) i sr. Michael Soto (Hefe di Departamentu di Planifikashon i Operations i resientemente Minister di Seguridat).
Den e kòmbersashon bilaterario a papia entre otro di transporte di droga riba vianan marítimo, migrashon, tratado di San Jose, efektonan di Covid-19 riba archivonan di segurodat i kolaborashon entre INTERPOL Costa Rica i INTERPOL Curaçao.

 

 

KÒMBERSASHON BILATERARIO KU VENEZUELA
Den representashon di pais Kòrsou Minister Hato a sostené kòmbersashon bilateral na India ku representante di Venezuela na e asamblea general di INTERPOL HQ, sr. Carlos Jose Garate Rondon (Hefe di Interpol OCN na Caracas).
Den e kòmbersashon bilaterario a papia entre otro di migrashon, detenidonan di Venezuela será na Kòrsou, detenidonan di Kòrsou será na Venezuela, tratado di San Jose i kolaborashon entre INTERPOL Venezuela i INTERPOL Curaçao.

 

Manera ya ta konosí Minister Hato den representashon di pais Kòrsou na India ta reuní ku delegashon di varios pais. Den kuadro di esaki Minister Hato asostené kòmbersashon bilateral na India ku representante di Republika Dominikano, sr. Rafael Feliz Martinez (Hefe di Interpol OCN na Santo Domingo).
Den e kòmbersashon bilaterario a papia entre otro di migrashon, moneda kriptografiko, tratado di San Jose i kolaborashon entre INTERPOL Republika Dominikano i INTERPOL Curaçao

 

INTERPOL DEN METAVERSO I MUNDU VIRTUAL
INTERPOL HQ ta lansa e promé kuerpo polisial global den metaverso. E mundu virtual ta fasilitá Interpol pa ofrese kursonan di informashon interaktivo huzando inteligensia artifisial rònt mundu. Den un mundu virtual den metaverso e usuarionan por sumergí nan mes den un mundu virtual ku ta imitá varios aspekto di e mundu físiko. Pa hasi esaki realidat ta uza teknologianan manera realidat virtual (VR), realidat oumentá (AR), inteligensia artifisial (AI), medionan sosial i monédanan digital.

 

 

Na kaminda bèk pa Amsterdam for di New Delhi, Minister Hato a topa e Minister di Defensa di Sürnam sra. Krishna Mathoera.
Anteriormente nan a sera konosí ku otro na aprel último na Sürnam durante e High Level Security Conference ku Sürnam a organisá.
Na Hulanda Minister Hato a sera konosí ku sr. Paul Commenencia (Staatsraad di Kòrsou) i sr. Ron van der Veer (Raadsadviseur na Raad van State).
A papia di e posishon di Raad van State komo organo di Reino, migrashon i e konseho ku Raad van State a saka resientemente tokante di algun tratado. E tabata un kòmbersashon ameno pero alabes konstruktivo.

 

Minister Hato estando na Hulanda a bishitá Hoge Raad der Nederlanden (korte di kasashon) i sera konosí ku sr. Edwin Bleichrodt (Prokuradó General)
A papia entre otro tokante di posibildat pa abogado lokal entregá “cassatieschriftuur” na Hoge Raad, firma digital i “wetboek van strafvordering” nobo di Kòrsou.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: