KOMUNIKADO DI PRENSA 507 /2022
30 òktober 2022

Detenshon relashoná ku violensha relashonal.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 29 di òktober 2022 alrededor di 13.42’or, Sentral di Polis a risibí informashon ku
tin un hòmber ta maltratá su pareha den un pikòp riba Damweg.
Mesora sentral a dirigí un unidat na e sitio.
Na kaminda pa e sitio e unidat polisial ta señalá e pikòp pará kantu di kaminda/krusada
St.Michielsweg/Hofweg. Banda di e pikòp e patruya ta topa e pareha den un pelea ku otro.
Polis ta detené e pareha komo sospechoso di maltrato i destrukshon.
Ta trata e hòmber sospechoso J.V.C. nasé na Haiti di 32 aña di edat i e dama sospechoso
C.C.L.R. nasé Venezuela di 37 aña di edat.
A presentá ámbos sospechoso dilanti di un fiskal ouksiliar ku a ordená nan enkarselamentu
pendiente di mas investigashon.