Ta basta ku abuzu!

 

Partido Inovashon Nashonal (PIN) a tuma nota ku atrobe sierto figuranan ku no a hasi nada pa nos pais, ta bini den media kada bia ku fake news i tambe ta instigá hende kontra miembro i lider di nos organisashon. Pero, no ta solamente kontra nan so, pero tambe kontra di personanan ku a traha duru i pone nos pais su nòmber na laira manera Profesor Merkies i tambe Profesor Bob Pinedo. Esakinan ta algun ku por menshoná ku tabata blanku di e personahenan aki.

 

Kòrsou meskos ku hopi pais na mundu ta bibando momentunan sumamente difisil awor aki despues di un pandemia i tambe guera ku ta tumando lugá na Rusia i Ukraina ku ta afektá nos tambe. Pero tòg ta sali un asosial manera Amparo Dos Santos ku e simpel meta pa destruí imahen i tur loke otronan logra.

 

Nos di Partido Inovashon Nashonal a ripará ku kada bes e asosial residivista aki ta haña chéns den prensa pa instigá violensha kontra personanan prometedor den nos pais. Na luga di pone skòuder i yuda kontruí, e asosial sin respet, ni pa hende muhé ni pa niun hende, aki ta sali i trata na kibra tur loke otronan ku hopi sodó a konstruí.

 

Nos por korda entre otro:

• Dil di KTK na Panama.
• Canabis Medisinal.
• Su aktuashon kontra di eks presidente di staten femenino den e kabinete anterior
• I tambe su eterno opseshon pa kibra sra. Suzy Camelia-Römer.

 

Nos di Partido Inovashon Nashonal ya a kapta e manera baho ku e abuzador aki a bin ta opera i instiga violensha sigur kontra damanan i otro personanan ku a traha pa yuda karga nos pais den e ultimo añanan. Asina Nos líder score, Eksponentenan politiko swak ta manda Amparo salí. Ta mas ku claro pa pueblo ku nan ku ke purba daña nomber di hende pa motibu ku nan ta mira e forma profeshonal, ku konosementu i forsa ku nos líder ta profilá.

 

Pueblo di Kòrsou no meresé e aktuashon aki di e misógeno aki i PIN ta pidi pueblo pa desaprobá i rechasá e manera baho aki di atende ku sigur nos damanan i sobrá personanan ku ta blanku di atake di e abuzador aki. Kòrsou mester di su mes hendenan pa sak’é for di e problemanan ku e tin. Hendenan problemátiko mester bai sosega nan kurpa.

 

Shandell Matrono