Detenshon pa violashon di lei di arma di kandela i konfiskashon.
KOMUNIKADO DI PRENSA 543/2022
18 novèmber 2022
Detenshon pa violashon di lei di arma di kandela i konfiskashon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djabièrnè 18 di novèmber 2022 alrededor di 12.25’or, Sentral di Polis a risibí notifikashon
ku na altura di un toko den área di Montaña tin un hòmber sospechoso ku un arma di
kandela. Mesora a dirigí un patruya na e sitio i a topa ku e hòmber sospechoso.
Durante di un kòntròl riba e hòmber aki a haña i konfiská un arma di kandela.
Na e sitio a detené e hòmber V.J.S., di 48 aña di edat nasé na Kòrsou.
Despues di e detenshon e tim di Divishon Krímen Organisá a tene un entrada hudisial na kas
di e sospechoso na Seru Grandi.
Polis a haña i konfiská un kantidat di munishon.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.
