Rekompensa di 10mil euro pa tep di oro tokante Kurasoleño Sherwin Windster ku a hui na Hulanda
Ministerio Publiko di Hulanda ta duna un rekompensa di 10mil euro pa e tep di oro ku ta kondusí na Sherwin Windster, un tbs-er. Windster a hui riba djamars 21 yüni 2022 for di un instituto psiquiátrico forensiko pa kriminalnan, Pompekliniek na Nijmegen. E tabata sinta un kastigu di 5.5 aña for di aña 2019 pa entre otro un atrako armá durante di kual un persona a keda asesiná.
Tin posibilidat ku Windster ta na Bélgika o el a pasa via Bélgika pa sigui pa un otro destinashon.
Sherwin Benshomin Windster ta midi 1m74 di haltura, e tin dos djente di oro i un tatuaje riba su pechu.
Windster tabata riba e lista Nationale Opsporingslijst kaba i awor e ta riba e lista Europe’s Most Wanted tambe. E ta keda konsiderá peligroso i outoridatnan ta pidi pa no aserk’é si señal’é
You must log in to post a comment.