2 Kontainer yena ku material i instrumènt for Hulanda pa SDKK.

Un felis aña 2023 !

Tópiko: 2 Kontainer yena ku material i instrumènt for Hulanda pa SDKK.

WILLEMSTAD- Resientemente Sentro di detenshon i korekshon Kòrsou a risibí un bunita donashon serka dos organisashon, esta Stichting Miss IQ i AFAS Foundation.
Stichting Miss IQ i AFAS Foundation ta dos organisashon ku ta buska materialnan di bon uso for di Hulanda i duna esaki komo donashon na Skolnan i otro instituto. Pesei den kuadro di esaki SDKK a risibi for di Hulanda 2 kontainer karga ku material i instrumènt spesial pa nos klientenan. Loke tabata remarkabel tabata e piano blanku ku a keda risibi den tur e materialnan di kual nos direktor suplente señor Ricardo tabata tin honor pa por a toka i siguramente lo bai haña un lugá spesial na prizòn.
Na e okashon di entregá di e dos kontainer na SDKK, tabata tei presente señora Ruth Groenewoud di Stichting Miss IQ, Representantenan di AFAS Foundation, Personal i Gerensia di SDKK, tambe señor Benita hefe di departamentu di korekshon i direktor suplente señor Ricardo ku na nòmber di gerensia di prizon i tambe e klientenan a gradisí pa e bunita gesto ku a wòrdu duna na nos instituto.
Finalmente Gerensia di prizòn, kier gradisi un biaha mas Stichting Miss IQ, AFAS Foundation i Minister Sithree van Heydoorn pa su koperashon pa e dos kontainer di material ku a bini pa SDKK i alabes kier desea Komunidat un felis aña 2023 yena ku dicha i prosperidat.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: