PROMÉ MINISTER SR. GILMAR PISAS A RISIBÍ EMBAHADOR DI ALEMANIA PA REINO HULANDES
PROMÉ MINISTER SR. GILMAR PISAS A RISIBÍ EMBAHADOR DI ALEMANIA PA REINO HULANDES
Willemstad – Promé Minister sr. Gilmar Pisas a risibí Embahador di Alemania pa Reino Hulandes sr. Cyrill Jean Nunn dia 5 di yanüari 2023.
Durante di e bishita di sera konosí aki tabata presente e Kònsul Honorario di Alemania pa Kòrsou, sr. Karel Frielink, Minister Plenipotensiario, sr. Carls Manuel i representantenan di Direktorado di Relashonnan Eksterior (DBB) di Kòrsou.
E Embahador di Alemania pa Reino Hulandes sr. Cyrill Jean Nunn a hasi un bishita di 2 dia na Kòrsou i durante di e dianan aki e la hiba kombersashonnan ku diferente entidat lokal, pa asina será konosí mihó ku e posibilidatnan ku Kòrsou tin pa ofresé.
E kombersashon ku e Embahador di Alemania sr. Nunn tabatin ku Promé Minister sr. Pisas tabata unu masha ameno i fruktífero, kaminda a toka diferente tema di interés pa ambos país.
Entre e temanan ku a diskutí por menshoná Turísmo i e konektividat áereo direkto ku mester reanudá, e posibilidatnan pa atraé invershonista for di Alemania, e esfuersonan kontinuo di nos país pa sigui invertí, amplia uso di energía renobabel i e posibilidat pa un equipo di futbòl di Alemania bishitá nos país.
Na final di e bishita Promé Minister sr. Pisas a gradisí Embahador sr. Nunn pa su bishita i a hasi entrega di un kuadro na dje.