KOMUNIKADO DI PRENSA 013/2023.
11 yanüari 2023.

Detenshon relashoná ku atrako.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djárason 11 di yanüari 2023, alrededor di 02:32’or di mardugá, sentral di Polis a dirigí un
unidat na un kas den Rondeklip pa un atrako ku a kaba di tumá lugá.
For di e investigashon preliminar a sali na kla ku algun hòmber sospechoso a kibra drenta
den un kas i bou di menasa ku arma di kandela a atraká un pareha i nan a bai ku algun
pertenesia.
Despues di un búskeda den e área di Weto un unidat polisial a señala un vehíkulo ku kuadra
ku esun ku e sospechosonan a usa pa kometé nan akto. Despues a sigui un persiguishon i a
logra para e vehíkulo.
Dos di e sospechosonan a logra baha for di e vehíkulo i a hui bai na pia.
Na e sitio a detené un di e sospechosonan K.M.H., nasé na Kòrsou di 18 aña di edat.
A presentá e sospechoso dilanti un fiskal ouksiliar ku despues di interogashon a ordená su
enkarselamentu pendiente di mas investigashon.