KOMUNIKADO DI PRENSA 021/2023.
16 yanüari 2023.

Detenshon relashoná ku ladronisia.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaluna 16 di yanüari 2023, alrededor di 01:54’or di mardugá, sentral di Polis a risibí un
notifikashon ku tin un ladronisia di piesa for di vehíkulo ta tumando lugá na Bapor Kibra.
Mesora a dirigí un unidat na e sitio.
For di e investigashon preliminar a sali na kla ku kuater (4) sospechoso den dos (2) vehíkulo
mester a kita piesa for di un vehíkulo na e sitio ariba menshoná.
Despues di un búskeda a logra señala e vehíkulo ku e sospechosonan na altura di
Schottegatweg Zuid.
Na e sitio a detené e hòbennan sospechoso.

Ta trata di:
 D.E.E.L., nasé na Hulanda di 18 aña di edat.
 J.W.S., nasé na Kòrsou di 18 aña di edat.
 K.J.M., nasé na Kòrsou di 16 aña di edat.
 J.D.J., nasé na Kòrsou di 14 aña di edat.

A presentá tur e sospechosonan dilanti un fiskal ouksiliar. Despues di interogashon K.J.M., i
J.D.J., por a rekobrá nan libertat, mientras a ordená enkarselashon di D.E.E.L., i J.W.S.,
pendiente di mas investigashon.