KOMUNIKADO DI PRENSA 037/2023.
27 yanüari 2023.

Dos detenshon pa ladronisia, inkubrimentu i malversashon.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku un investigashon di un kaso di ladronisia ku a tuma lugá na un establesimentu
den luna di desèmber 2022, tim di Reshèrshi a hasi dos detenshon.
Djabièrnè 27 di yanüari 2023, alrededor di 10.45’or di mainta Reshèrshinan di VVC a hasi
un detenshon na warda di Reshèrshi di un dama sospechoso R.F.J., di 33 aña nasé na
Kòrsou, relashoná ku ladronisia i malversashon.
Despues polis a tene un entrada hudisial na su kas den Montanja.
Durante di e entrada hudisial a haña i konfiská artíkulonan di importansia pa e
investigashon.
Na e adrès ariba menshoná polis a detené un hòmber sospechoso G.E.J., di 31 aña nasé na
Kòrsou, relashoná ku inkubrimentu.
A presentá ámbos sospechoso dilanti un fiskal ouksiliar. Despues di interogashon e hòmber
G.E.J., por a rekobrá su libertat, mientras a ordená enkarselashon di e dama
R.F.J., pendiente di mas investigashon.