Registrá i buska pas pa marcha di karnaval Bándabou.
KOMUNIKADO DI PRENSA 067/2023.
15 febrüari 2023.
Registrá i buska pas pa marcha di karnaval Bándabou.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Manera ta konosí djasabra 18 febrüari 2023 te e fecha riba kual e marcha di karnaval Bándabou
2023 lo tuma lugá. Relashoná ku e marcha tin algun kaya ku ta keda riba e ruta di Karnaval lo no ta
aksesibel pa vehíkulonan motorisá.
Den kuardo di e medidanan di tráfiko temporal ku lo keda tuma, nos di Kuerpo Polisial ke anunsiá ku
entrante awe 15 febrüari 2023 ta habri e posibilidat pa personanan ku ta traha, biba òf ku
obligatoriamente mester move den e área di e ruta di Karnaval i orario ku e marcha di Karnaval
Bándabou 2023 ta tuma lugá, por hasi un petishon pa por bini na remarke pa un outopas.
Personanan ku ta deseá di bini na remarke pa un outopas hasi e petishon entrante awe i
15 febrüari 2023 i tuma bo pas riba e mesun dia.
Lugá : warda di polis na Barber.
Ora : 08.00 or di mainta pa 18.00 or di atardi.
E solisitante di un outopas pa motibu ku e ta biba den e área aki, mester por indiká esaki por eskrito
i mester por identifiká su mes ku un tarheta di identifikashon bálido.
Pa esnan ku pa motibu di trabou mester hasi petishon pa un outopas, mester presentá ku un karnèt
i/ò karta di trabou. Pa tur petishon e solisitante mester duna number i modèl di e vehíkulo ku ta
keda usa.
