KOMUNIKADO DI PRENSA 091/2023.
4 mart 2023.

Detenshon relashoná ku atrako.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku un investigashon relashoná ku un kaso di atrako ku a tuma lugá dia
13 di yanüari 2023, riba Jan Noordynweg polis a hasi un detenshon.
Awe djasabra 4 di mart 2023, alrededor di 06.00’or di mainta Tim di Aresto a hasi
detenshon di un sospechoso A.W.F., di 17 aña di edat nasé na Haiti den área di Stenen Koraal.
Despues di e detenshon Tim di Atrako a tene un entrada hudisial na e adrès ariba
menshoná.
Durante di e entrada hudisial a haña i konfiská artíkulonan di importansia pa e
investigashon.
A presentá e sospechoso dilanti un fiskal ouksiliar ku despues di interogashon a ordená nan
enkarselamentu pendiente di mas investigashon.