TA PARA DÈMPELMENTU DI AWA ILEGAL NA JAN SOFAT

Willemstad – Riba djamars 7 di febrüari, Tim di Inspekshon i Kòntròl di VVRP a bai den área di Jan Sofat, i a para trabounan di dèmpelmentu di awa ku tabata tuma lugá di un forma ilegal ku e meta pa ekspandé teritorio.

Despues di a risibí informashon ku lo tin sierto trabounan ilegal tumando lugá, e tim a bai pa kontrolá. A konstatá ku ta basha tera den awa pa asina gana teritorio, esaki na hulandes konosí komo ‘land aanwinning’. Mesora a para e trabounan aki i a informá e doñonan ku e akto aki no ta pèrmití.

Tim di Inspekshon i Kòntròl di VVRP lo siguí aktuá kontra tur tipo di kaso di okupashon ilegal di tereno, konstrukshon ilegal, dèmpelmentu ilegal di áreanan/awa públiko, dùmpmentu ilegal di sushi riba tereno di gobièrnu, i mas.

Tur esaki ku e meta pa trese òrdu bèk i pa garantisá seguridat.

Nota pa prensa / No pa publikashon:

Pa entrevista por tuma kontakto ku Sr. Humphrey Davelaar na number di telefon +599 9 567 0070.