DOMEINBEHEER TA KUMPLI 69 AÑA DI EKSISTENSIA

Willemstad – Riba 10 di mart 2023, Domeinbeheer ta selebrá 69 aña di eksistensia. Pues nos ta rumbo pa 70 aña. Domeinbeheer ta e instansia di gobièrnu ku ta manehá terenonan públiko. Tantu terenonan pa uso komersial, komo pa bibienda i agrikultura.

Na e okashon aki, Minister Charles Cooper tabata presente na un selebrashon huntu ku empleadonan di Domeinbeheer.

Minister Cooper sa di e dolo di pueblo pa loke ta e servisio aki. Pero Minister Cooper alabes ke garantisá pueblo di Kòrsou ku Minister huntu ku Domeinbeheer ta trahando inkansablemente tur dia pa kumpli ku e demanda grandi ku tin riba e servisio aki.

Minister Cooper ta felisitá tur empleado di Domeinbeheer, i ta pidi nos pueblo pa pasenshi i komprenshon, segun ku nos ta sigui traha pa hiba Kòrsou dilanti.