Pueblo e sla ta pa bo mes. Historia ta ripití. TUR GOBIÈRNU A NEGLISHÁ KUERPO POLISIAL Awor ke manipulá tira falta riba overtaim
Parlamentario pa frakshon di Trabou pa Kòrsou, sr. Rennox Calmes: “Mi a hala atenshon di e situashon aki fo’i 2018”.
1. Mi a manda karta pa e minister di Hustisia di e tempu ei.
2. Mi a kuenstioná mi propio gobièrnu i koalishon e tempu ei.
3. Mi a pidi reunion públiko.
- Mi a traha un plan titulá “mas blou mas mihó”.
- Mi a splika den reunion públiko tokante skarsedat di polis i su konsekuensia si no hasi nada.
- Mi a kuentioná e minister i e tim di maneho di KPC di e tempu aya, paso nan ta na altura i no ta hasi nada.
- Mi a pidi reunion públiko riba ORV i e asuntu di skol di polis ku un durashon di 3 aña i kuestioná esakinan.
- Mi a kuestioná e forma di reklutá polis. Pero no a tuma mi na serio. Awe minister Silvania djis pa insistí riba un prosupuesto balansá, kual no ta e kaso tampoko, e minister ta bin disidí ku mester baha 6 mion na overtaim i ta manipulá, hasiendo manera ku polisnan gusta traha overtaim i gana boshi plaka. Uzando e strategia aki pa pueblo haña rabia riba polis i asina e logra su meta. Pueblo habri boso wowo. E slá ta pa pueblo mes. Overtaim den kuerpo polisial ta un òrdu bo ta haña pa trah’e i hopi biaha kontra bo boluntat. Esaki ta nifiká ku loke bo a plania ku famia ta kai afo i bo mester keda trabou traha. Tin diferente motibu ku un polis mester keda traha overtaim. Esun mas prinsipal ta paso no tin sufisiente polis. Esaki ta debí ku gobièrnunan di turno a neglishá reklutamentu di polis. Huntu ku esei a hasi formashon polisial 3 aña. Tur aña di nobo klasnan di polis ta baha ku penshun. Tin aña ta 1 klas pero tin aña ta 3 klas. Kada klas por varia di mas o menos entre 10 pa 16 polis. Djis hasi bo kalkulashon. Gobièrnunan ta na altura di esaki pero no a hasi kasi nada. Awe minister Silvania ku no sa nèt nada di kuerpo polisial ta bin pone preshon pa baha overtaim ku 6 mion fo’i 18 mion. Normalmente mes pueblo ta reklamá ku no tin polis. Awel pueblo awoki ta pihó. Dobla warda. Polis lo no yega. Wak kon a djis anunsiá esaki so i mesora yen bashamenti bala, atrako i reglament’i kuenta a kuminsa lanta kabes.