KOMUNIKADO DI PRENSA 139/2023.
28 mart 2023.

Aksidente ku morto.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djamars 28 di mart 2023 alrededor di 06.12’or di mainta, Sentral di Polis a risibí
informashon ku un aksidente mester a tuma lugá riba Schottegatweg Noord.
Na yegada di polis nan a topa ku un vehíkulo ku un dama ku no ta duna señal di bida.
For di e investigashon preliminar ku polis a hasi na sitio a resultá ku e dama chofùr mester a
pèrdè kòntròl riba stür i a bai aksidentá den un vangrail pa finalmente bai pega den muraya
di un kas.
Ambulans ku a presentá na e sitio no por a hasi nada pa e víktima.
Dòkter di polis a presentá na e sitio i a konstatá morto di e dama Ratna Shivasani Agard,
nasé na Kòrsou, dia 3 di òktober 1967.
Departamentu di Tráfiko ta kontinuá ku e investigashon den kaso.