Pronóstiko di tempu pa Kòrsou i bisindario bálido te djárason mainta 6:00 o.l., 29 di mart 2023.

 

Pronóstiko

Pronóstiko di tempu pa Kòrsou i bisindario bálido te djárason mainta 6:00 o.l., 29 di mart 2023.
Kompilá: djamars 28 di mart 2023, 05:00 o.l. (06:00 UTC).

Tempu: Parsialmente nublá ku bientu de bes en kuando fuerte. Un wer seku lo prevalesé.

Temperatura máksimo lo alkansá 29ºC i temperatura mínimo 25ºC.
Solo ta sali 06:35 i ta baha 18:47 o.l.

Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte te posiblemente duru den ráfaga; forsa 6 ten 7 (40 te 61 km/ora, 22 te 33 nudo).

Situashon general: Ekstenshon di un preshon haltu basta amplio riba Atlántiko nort, lo sigui influensia nos tempu durante e próksimo dianan. Esaki huntu ku un airu relativamente seku na nivel abou di atmósfera lo mantené un kondishon di tempu generalmente seku den nos área. Kondishon di laman lo keda un poko brutu, debí na un diferensia di preshon riba e área Karibense ku lo mantené e régimen di bientu fuerte riba nos region. Mas aleu durante di mañan, un fluho poko mas húmedo for di ost lo oumentá e posibilidat pa algu di áwaseru.

Kondishon di laman: Moderá te poko brutu, ku altura di olanan entre 1 i 2 meter (4 i 7 pia). E olanan di mas haltu lo ta generalmente riba laman habrí.

Fenómeno spesial: Ningun.

Perspektiva te djaweps mainta: Parsialmente nublá ku bientu ménos fuerte i prinsipalmente seku.

Meteorólogo: Rombley