SCHOTTEGATWEG NOORD SERÁ RIBA DJADUMINGU 2 DI APREL PARTI MAINTA

Willemstad – Minister Charles Cooper huntu ku Servisio pa Obra Públiko (OW) ta informá ku riba djadumingu 2 di aprel OW ta bai hasi sierto trabounan relashoná ku seguridat den tráfiko riba Schottegatweg Noord. Pa por hasi esaki, lo bai sera un parti di Schottegatweg Noord.

 

E trabounan aki ta kuminsá pa 8or di mainta i finalisá pa 12or di mèrdia. Kuerpo Polisial Kòrsou lo yuda pa sera e kaya i desviá tráfiko.

OW ta pidi tur outomobilista diskulpa pa kualke inkumbinensia ku esaki por trese kun’é, i di antemano ta yama danki pa e koperashon.