KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Propio eskoho di provedor di kuido

Tin bia un asegurado ta deseá di risibí tratamentu serka un provedor di kuido ku e mes ke skohe. Tin bia esaki por, bou di e artíkulo 10 insiso 4. Tin ku konsiderá hopi kos si. E ora ei, e asegurado mes ta indiká unda e tratamentu tin ku tuma lugá. Den tipo di kaso asina ta reembolsá solamente gastu médiko (parsialmente).
Un tratamentu for di artíkulo 10 insiso 4 pues no ta un traslado médiko! Kiko esaki ta nifiká pa e asegurado?
ZJCN e ora ei no ta reembolsá bo vuelo, hotèl i gastu di transporte. Tambe bo mes tin ku traha tur sita ku e hòspital. I bo mester entregá un oferta pa e tratamentu adelantá na ZJCN. Na su turno e mester duna aprobashon. Ta posibel ku ZJCN no ta reembolsá tur gastu. Tampoko ZJCN no por garantisá kalidat di e tratamentu. I bo mes mester paga e gastunan pa e tratamentu adelantá.
Hopi bia un asegurado no ta tene kuenta ku gastu adishonal. Por ehèmpel pa motibu ku e estadia ta dura mas ku ta spera. Òf ora ku sin spera, un asegurado tòg no por keda largu serka famia òf amigu. Ta posibel tambe ku e asegurado ta haña komplikashon, ku no ta reembolsá. Tin bia tambe sin spera ta bini gastu adishonal di transporte aserka. Manera transporte diario ku trein òf taksi.
E konsehero médiko ta duna informashon tokante di esaki na e spesialista médiko. Tambe e ta konsultá ku e asegurado. E por regla i paga tur kos su mes? E asegurado ta firma un deklarashon di aprobashon tambe. Asina e asegurado ta konsiente di e riesgonan di kuido bou di artíkulo 10 inisio 4.
Un ehèmpel: imaginá ku pa un operashon for di RAZ BES ta reembolsá 5000 dòler. Pero bo ta den un pais kaminda e operashon aki ta kosta 10.000 dòler. ZJCN ta kubri maksimal 5000 dòler.
639114718427035"
639114718427035"