*S.V. Pichingolo ta pidi yudansa pa limpia tereno…*

Relashoná ku selebrashon di 50 Aña:

*S.V. Pichingolo ta pidi yudansa pa limpia tereno…*

 

BUENA VISTA – Djadumingu 7 di Mei 2023 e organisashon di Softball Femenino Fastpitch S.V. Pichingolo, di spònser pa Nissan, ta selebrá 50 aña di eksistensia.

 

Relashoná ku e selebrashon aki e organisashon di Pichingolo ta monta un aktividat di limpiesa na nan parke na Santo Domingoweg den kurason di Buena Vista.

 

Ta pidi tur amigunan di Pichingolo, fanátikonan, hungadónan i abitantenan di Buena Vista pa ta presente i yuda duna un man ku e aktividat di limpiesa aki riba djasabra 15 di aprel i djadumingu 16 di aprel.

 

Pichingolo fuera di su Timnan: Hubenil, Klase A i doble A, tin tambe su hobensitanan ku ta hunga den “Little League Buena Vista” kuminsando for di “T-Ball”. Lo apresiá inmensamente tur ku por yega pa duna un man den e trabou.

 

Ta pidi esnan ku ta bini pa nan bin ku sea nan mashin di kòrta yerba, chapi o harpa pa asina por traha huntu i dal e parke i rondó dje parke un bunita limpiá. Ta start djasabra 15 di aprel for di 6.30 am. Djadumingu tambe ta kuminsá 6.30 am.

 

Pichingolo ta gradisí un i tur di antemano i ta konta ku tur su hendenan djasabra i djadumingu awor na nan parke na Buena Vista for di ora solo sali.