Boksdo di Korsou Jaydon Dania a gana na Hulanda, djasabra pasa

Prospekto boksdo di Korsou Jaydon Dania  di 18 aña a sali rumbo pa Hulanda pa kumisa su training camp na Rotterdam en preparation pa su kompetensha internashonal na Eindhoven.  E Eindhoven Box cup ta e kompetensha Olimpiko mas grandi di Hulanda. E evento aki lo tuma luga mei 26-30.

AABoxing ku ta afilia na CuraBox (Curaçao Boxing Association) ku ta manega e boksdo a tuma e dedishon pa hasi e training camp na Hulanda debi ku ta hopi difisil pa haña kontrikante na nivel pa Jaydon Dania. Jaydon lo partisipa den e katagoria di -75 kilo ku ta middleweight division. E lo tini 1 tune up fight dia 22 di April na Rotterdam pa depues bai partisipa na e prestigioso evento na Eindhoven. AABOXING ke gradisi tur e sponsornan ku a duna un man pa juda Jaydon nos prospekto di Korsou e oportunidat aki. Nagico Insurance – Vidanova Bank – Zanzibar – Culinary Delight catering. Mirando ku nos no a logra pa kubri tur gastu ainda, mas spònser ta wèlkom.