PUERTO RICO I PANAMA A KLASIFIKÁ PA E SIGUIENTE BUÈLTA DI E CONCACAF UNDER 20 CHAMPIONSHIP!
Despues di un siman largu kargá ku algun tremendo partido, djasabra tras di lomba e CONCACAF Women’s Under-20 Championship a yega na su final kaminda Panama di pul B i Puerto Rico di pul D a terminá na e promé puesto di nan pulnan i a klasifiká pa siguiente buèlta di e kampionato aki ku lo tuma lugá otro luna na Repúblika Dominikana.
Djasabra último nos selekshon a sali viktorioso un biaha mas ganando di Sint Maarten ku skor di 8-0. E golnan di nos selekshon a keda anotá pa Raëngelly Keller (5x), Jeleaugh Rosa (1x) i Rushaviana Petronilia (2x). Durante e kampionato aki nos selekshon a mira 2 viktoria, sufri un derota i a terminá na segundo puesto di pul B. Nos selekshon a kaba ku 6 punto i un total di 16 gol na fabor, 5 gol kontra i a kai chikí pa e siguiente ronda. Apesar di no a klasifiká nos selekshon sigur a lucha tur ku tin i nos hungadónan a hasi nan máksimo esfuerso durante kada wega pa saka nos kara.
Resultadonan pul B;
| Fecha | Tim di kas | Bishitante | Resultado | |
| 1 | 14-4-2023 | Panama | Kòrsou | 5-1 |
| 2 | 16-4-2023 | Bahamas | Panama | 0-13 |
| 3 | 18-4-2023 | Panama | St. Maarten | 11-0 |
| 4 | Bahamas | Kòrsou | 0-7 | |
| 5 | 20-4-2023 | St. Maarten | Bahamas | 3-1 |
| 6 | 22-4-2023 | Kòrsou | St. Maarten | 8-0 |
Tabla di posishon Pul B;
| Pais | WH | Saldo | Punto | |
| 1 | Panama | 3 | 28 | 9 |
| 2 | Kòrsou | 3 | 11 | 6 |
| 3 | Sint Maarten | 3 | -17 | 3 |
| 4 | Bahamas | 3 | -22 | 0 |
Resultadonan pul D;
| Fecha | Tim di kas | Bishitante | Resultado | |
| 1 | 15-4-2023 | Trinidad & Tobago | Cayman Islands | 3-0 |
| 2 | Puerto Rico | Guadeloupe | 5-0 | |
| 3 | 17-4-2023 | Guadeloupe | Trinidad & Tobago | 2-3 |
| 4 | Cayman Islands | Puerto Rico | 1-6 | |
| 5 | 19-4-2023 | Cayman Islands | Guadeloupe | 0-3 |
| 6 | Puerto Rico | Trinidad & Tobago | 5-0 |
Tabla di posishon pul D;
| Pais | WH | Saldo | Punto | |
| 1 | Puerto Rico | 3 | 15 | 9 |
| 2 | Trinidad & Tobago | 3 | -1 | 6 |
| 3 | Guadeloupe | 3 | -3 | 3 |
| 4 | Cayman Islands | 3 | -11 | 0 |
FFK ta gradisí nos selekshon nashonal femenino U-20 i nos kuerpo tékniko pa e bon trabou ku nan a sa di hasi durante e kampionato aki. Danki na tur mayor, fanátikonan i tur ku a kontribuí di un manera òf otro pa e kampionato aki tabata un éksito.
Mas ku klaro nos ta gradisí pueblo di Kòrsou kompletu pa e apoyo i sosten brindá na nos selekshon durante e kampionato aki.
Nos damanan ta sigui traha duru pa keda saka nos kara!
