KOMUNIKADO DI PRENSA 200/2023.
28 aprel 2023.

Detenshon relashoná ku maltrato ku arma.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

 

Djaweps 27 di aprel 2023 alrededor di 15.08’or di mèrdia, un persona a presentá na warda
di Polis Rio Canario i a deklará na polis ku un hòmber lo mester a maltratá un otro hòmber
na altura di e krusada Schottegatweg Noord / Suffisantweg.
Mesora a dirigí un unidat polisial na e sitio. Na e sitio e hòmber víktima a deklará ku un ratu
promé e tabata enbolbí den un aksidente di tráfiko i e otro partido a maltrat’é ku un pipa di
heru. E víktima a sufri leshon na su man i kabes.
Un ratu despues polis a detené e hòmber sospechoso P.J.G.Y., nasé na Venezuela di 41
aña di edat. E detenshon a tuma lugá na warda di Polis Rio Canario.
A presentá e sospechoso dilanti un fiskal ouksiliar ku despues di interogashon a ordená su
enkarselamentu pendiente di mas investigashon.