KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

PROMÉ MINISTER SR. GILMAR PISAS TA ANUNSIÁ YEGADA DI DOS BARKITO FOR DI VENEZUELA

Willemstad – Promé Minister sr. Gilmar Pisas ta anunsiá, na nòmber di Gobièrnu di Kòrsou, ku djaluna awor dia 8 di mei 2023 Kòrsou lo risibí e promé 2 barkítonan di fruta i berdura for di Venezuela.

Esaki ta den kuadro di e reapertura di nos frontera marítimo dia 3 di aprel último.

Lo yega mas despues un di tres barkito ora ku tur e papeleonan nesesario ta kla.

 

Despues di mas ku 4 aña nos lo risibí bèk e barkítonan di fruta, berdura i peska, i lo risibí tambe pronto e barkunan di por mayor (groothandel).

E proseso a tuma su tempu pa por a regulá tur loke tabata nesesario pa por a kuminsá habri e frontera marítimo den fase i di un forma kontrolá.

Lo keda vigilá kon e proseso ta kana i kaminda tin di ahustá i òf hasi kambio lo konsiderá esaki.

 

E barkitonan lo kuminsá drenta Haf di Kòrsou, bou di guia di Warda Kosta, pa masomenos 7.30 ‘or di mainta.

 

Lo bai tin un seremonia pa risibí e barkitonan aki na Koningin Wilhelmina Brug: ‘Brug na Skalo’ na e parti di Punda.

 

639114718427035"
639114718427035"