Kaso di hogamentu.
KOMUNIKADO DI PRENSA 212/2023.
8 mei 2023.
Kaso di hogamentu.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu 7 di mei 2023 alrededor di 17.05’or di atardi, Sentral di Polis a risibí
informashon di un posibel kaso di hogamentu ku a tuma lugá na Playa di un hotel den área
di Piscadera.
For di investigashon preliminar a sali na kla ku un hòmber turista den un grupo di famia a
bai landa i na dado momentu a pèrdè e persona aki for di bista.
Despues di un búskeda a lokalisá e hòmber turista den fondo di laman.
A trese e víktima kantu i ambulans ku tabata presente na e sítio a enkargá su mes ku e
reanimashon.
A transportá e víktima den un situashon krítiko pa Sala di Emergensia di CMC na unda
despues el a keda interná den unidat di Kuido Intensivo.
Mas lat den anochi a risibí informashon ku e hòmber víktima a fayesé.
Debí ku famianan mester wòrdu poné na altura, te na momentunan aki no por duna
identidat di e víktima.
