Pronóstiko di tempu pa Kòrsou i bisindario bálido te djaluna mainta 6:00 o.l., 22 di mei 2023.

 

Pronóstiko

Pronóstiko di tempu pa Kòrsou i bisindario bálido te djaluna mainta 6:00 o.l., 22 di mei 2023.
Kompilá: djadumingu 21 di mei 2023, 05:00 o.l. (09:00 UTC).

Tempu: Parsialmente nublá ku wer seku. Durante di awe nochi i mayan nubianan ta oumentá i awa lo kai, posiblemente kompaña pa welek i bos.

Temperatura máksimo lo alkansá 32ºC i temperatura mínimo 27ºC.
Solo ta sali 06:11 i ta baha 18:54 o.l.

Bientu: Generalmente for di ost i moderá; forsa 3 te 4 (12 te 30 km/ora, 7 te 16 nudo). De bes en kuando bastante fuerte den ráfaga; forsa 5 (31 te 39 km/ora, 17 te 21 nudo).

Situashon general: Awe den dia no ta premirá muchu kambio den e situashon di tempu i wer seku lo prevalesé den e área di nos isla. No opstante esaki, un masa di airu húmedo e instabil asosiá ku un disturbio por laga e chènsnan pa aktividat ku áwaseru oumentá durante awe nochi i kuminsamentu di e siman. Ademas, e forsa di bientu tambe lo mengua konsiderabel ku presensia di e disturbio, di manera ku prinsipalmente den dia lo tin sensashon di èkstra kalor.

Kondishon di laman: Trankil te moderá ku altura di ola entre 0.5 i 1.5 meter (2 i 5 pia).

Fenómeno spesial: Ningun.

Perspektiva te djamars mainta: Parsialmente te hopi nublá ku algun áwaseru lokal.

Meteorólogo: Coffie