SOAW ta yuda mayornan ku sèn pa paña di skol.
SOAW ta yuda mayornan ku sèn pa paña di skol.
Willemstad – Riba djarason 14 yüli 2023, tur kobradó di ònderstant lo risibi huntu ku nan ònderstant, pago di sèn pa paña di skol (‘kleedgeld’) korespondiente na aña 2023 (den kinsena 15/2023). Personanan ku tin un entrada te ku sueldo mínimo, por pasa entrante 30 yüni 2023 na e Kas di Bario konserni pa hasi petishon.
KEN POR BIN NA REMARKE PA SÈN PA PAÑA DI SKOL :
– Yu di mayor o tutor ku ta kobra ònderstant òf tin un entrada te ku
sueldo mínimo.
– Yu mester ta inskribí den Registro Sivil di Kòrsou i tambe mayor o
tutor mester ta inskribí.
– Yu di un estranhero ku tin un pèrmit bálido i ta inskribi den Registro
Sivil di Korsou.
– Yu ku ta kai bou di lei di skol obligatorio i ta bishita un skol di
Fundeshi, skol Básiko, skol spesial, VSBO, SBO, HAVO, VWO- ku
ta supsidiá dor di gobièrnu (edat 4 pa 18 aña).
KUA DOKUMENTUNAN MESTER ENTREGÁ NA MOMENTU DI PETISHON :
• Sédula o rèibewèis bálido di mayor o tutor o e persona outorisá ku ta
hasi e petishon.
- Sédula di yu o papel di òp o buki di famia.
- Deklarashon ku e yu ta inskribí na skol (‘schoolverklaring’) aña
2023-2024.
- Esnan ku tin un entrada te ku sueldo mínimo mester trese e
deklarashon di entrada di Inspekshon di Impuesto i slep di salario.
- Esnan ku tin un entrada te ku sueldo mínimo. Si tin kuenta koriente
di Maduro & Curiel’s Bank o otro banko lokal, mester trese e number
di kuenta i e dos último ‘statement’ di banko.
PETISHON PA SÈN PA PAÑA PA SKOL (kledinggeld) POR SER ENTREGÁ NA :
KASNAN di BARIO :
Punda/Banda Ariba [tel] – 724-5251
Otrobanda/Banda Abou [tel] – 724-5253
Sta Maria [tel] – 724-5254
Brievengat [tel] – 724-5252
Ultimo dia pa entregá petishon i hasi keho relashoná ku sèn pa paña di skol ta dia 02 oktober 2023. Pa mas informashon semper por yama Balie di Informashon di SOAW na 724 5333

