Den e dianan aki e tim di Balie di Informashon di SOAW a hasi un rekorido den kaya di Otrobanda
Ministerio di Desaroyo Sosial, Labor i Bienestar
SOAW [info] : Den e dianan aki e tim di Balie di Informashon di SOAW a hasi un rekorido den kaya di Otrobanda kaminda a parti ‘flyer’ di informashon tokante SOAW i tambe ‘hand sanitizers’ den kuadro di e kampaña di konsientisashon tokante higiena di man.
Varios hende tabatin preguntanan tokante e asuntu di sèn pa unifòrm di skol, preguntanan relashoná ku AOV toelage, drechamentu di kas, ‘betalings regeling, vrijstelling afvalstoffen’, entre otro. E tim di Info Balie a tuma datos, pa por verifiká esnan registrá i yama bèk ku kontesta i detaye tokante e preguntanan, prinsipalmente loke mester tene kuenta kuné pa por bin na remarke pa sèn di unifòrm pa skol.
Si tin kualke pregunta tokante e produktonan di SOAW semper por manda un e-mail na infobalìe@soaw.cw òf por yama info balie di SOAW na 724 5333 òf na 724 5300