GRAN FINAL DI KAMPIONATO HUBENIL 22-23 PA KATEGORIA U-11, U-13 I U-15!

GRAN FINAL DI KAMPIONATO HUBENIL 22-23 PA KATEGORIA U-11, U-13 I U-15!

16 I 17 DI YÜNI DEN STADION RIGNAAL ‘JEAN’ FRANCISCA!

 

 

Otro kategorianan ku a konosé su ekiponan kampion i supkampion wikènt ùltimo tabata kategorianan U-11, U-13 i tambe kategoria U-15 di Kampionato Hubenil 22-23.

Un biaha mas un públiko grandi por a presensiá algun partido final ku hopi emoshon riba djabièrnè atardi bai kue anochi ora ku kategoria U-15 liga 1 i 2 a tuma lugá miéntras djasabra parti mainta i tambe atardi e delaster liga di kategoria U-11 i liga 2 ku 3 di kategoria U-13 a finalisá den Stadion Rignaal ‘Jean’ Francisca.

 

Wikènt tras di lomba Komishon Hubenil por a bolbe mira bèk riba algun tremendo partido final, ku enkuentronan elektrisante ku timnan ku a bin desidido pa titulá kampion di nan kategoria.

Un bes mas Komishon Hubenil ta gradisí tur, ku di un manera òf otro a duna un man pa e kategorianan aki tambe tabata éksitoso.

 

Djasabra binidero e delaster kategorianan, esta kategoria U-17 ku U-20 lo tin nan partidonan final pa tiki tiki pero sigur yega na e final di temporada aki.

 

E siguiente ekiponan a titulá kampion durante e partidonan final di U-11, U-13 ku U-15;

 

U-11 Liga 3: Undeba

U-13 Liga 2: Fc Sithoc

U-13 Liga 3: Mahuma

U-15 Liga 1: Vesta

U-15 Liga 2: Fc Sithoc

16 yüni 2023
Stadion	Kategoria	Tim 1	vs	Tim 2	U-11	U-13	U-15
RJF	Liga 2 (U15)	Stallions F.C.	vs	F.C. Sithoc	–	–	1-3
RJF	Liga 1 (U15)	VESTA	vs	Atletiko Saliña A	–	–	2-1
17 yüni 2023
Stadion	Kategoria	Tim 1	vs	Tim 2	U-11	U-13	U-15
RJF	Liga 3 (U11)	New Song	vs	UNDEBA	1-5	–	–
RJF	Liga 3 (U13)	C.H. Mahuma	vs	UNDEBA	–	4-1	–
RJF	Liga 2 (U13)	VESTA	vs	F.C. Sithoc	–	0-2	–

 

Resultadona Final;

 

 

 

 

Komishon Hubenil ta felistá tur e ekiponan ku a sali kampion pero tambe esnan ku a sali supkamion wikènt último durante e gran finalnan di Kampionato Hubenil kategoria U-11, U-13 ku U-15.

Masha pabien i sigui ku e bon trabou!

 

19 yüni 2023